المشــاكســه
الاوسمه : عدد المساهمات : 75 نقاط : 139 السٌّمعَة : 0 تاريخ التسجيل : 07/07/2011
| موضوع: نهايه الطريق السبت يوليو 09, 2011 2:09 pm | |
| ( نهايه الطريق )
اسمعوا مني الحكاية
من البداية للنهاية
ابتدى الكلام بينا
مرحله وبدأت في حياتنا
مقدر ومكتوب نصيبى
واللى اتمناه قلبي مش بأيدي
اختارتك حبيب عمري
وقلت معاك هــ تكمل سعادتي
كان بينا عهد واتفاق
ونقشت على العهد بصمة
بنبض قلب جمعنا
قلبي وقلبك
ابتدوا الطريق
اتعهدوا يكملوا لنهايته
ايدي فى ايدك
وبدأنا
مشينا منه كتير
كملنا
برغم الصعاب
وظلام الطريق
قطعنا منه مسافة كبيره
قدرت تكمل معايا مشواري
وكنت انت شمعتى ونهاري
عاهدتك هفضل معاك
وهخطى آى صعاب وياك
وهكسر جبال المستحيل
هعدى معاك الف ميل وميل
لكن خسارة
يا فرحة ما تمت
قطع طريقنا شىء مخيف
شبح ظهر من بعيد
جاى علينابيجرى
ملامحه مش واضحه
لا انت شايف ولا انا شايفه
بس حسيت انى مقبوضه وخايفة
قربت منك آكترمسكت فيك
على قد ما آقدر
قرب هو علينا
وعيونه نظرتها نار
حسينا بلهيبها من بعيد
كل ما يقرب ناره تزيد
صرخت
بكيت
ناديت
بصيت حواليا لقيتنى وحيده
لا انت جنبي
ولا حتى ناس بعيده
ايدك سابت ايدي
سيبتنى معاه لـ مصيري
رضيت بقدري ونصيبي
وكملت لوحدي طريقي
والشبح ماشي ورايا
يعد عليا خطايا
خطوه بخطوه محاصرني
دموعي جفت
من كتر بكايا
خوف
حيرة
آفكار كتيره
ياترى هيكون ايه مصيري ؟؟
هقدر آكمل طريقي ؟؟
ولا دي خلاص نهايتي
بموتى وخلصت حكايتي
ولغاية هناخلص الكلام
ولا عليا ولا عليك ملام
ده نصيبي وقدري فى طريقي
وحمدت ربي على كل شىء
حتى لو كان موتي آخر الطريق | |
|
هيروكا
الاوسمه : عدد المساهمات : 70 نقاط : 115 السٌّمعَة : 3 تاريخ التسجيل : 02/07/2011 العمر : 27
| موضوع: رد: نهايه الطريق الإثنين يوليو 11, 2011 1:31 pm | |
| | |
|